Manipur-ah Myanmar mi 10 man

Manipur leh Myanmar inrina, Moreh khuaah Thawhṭanni khan Myanmar mi 10 lai mai man an ni a, heng an mi mante hi India rama phalna lehkha lem hmanga lo luh tum an nih thu police-te chuan an sawi.

Police-te chuan an mi man te hi hmeichhe panga leh mipa panga an nih thu an sawi a, an zinga mi pahnih hi chuan zinna tur document-te pawh an buaipui niin a sawi a, mahse heng mi pahnih te pawh hi an man tho niin an sawi. Heng an mi mante hi Moreh police kutah an awm mek tih an sawi bawk.

Tunhnaiah Moreh-ah hian ramdang mi man an ni zeuh zeuh a, Rohingya mi eng emaw zat dan loa ramchhunga lo lut an man tawh bakah Chinese  pawh an man tawh bawk a, Myanmar mi eng emaw zat an man tawh bawk a ni.

Chief of the Naval Staff leh Chiefs of Staff Committee Chairman ni bawk Admiral Sunil Lanba chuan ni li cham tura hmarchhak a tlawh mek lai a nih avagin ramriah hian venhimna hi uluk zawka kalpui a ni a, Admiral hian Pathianni khan Manipur hi a thleng.

Thawhṭanni khan Admiral Lanba hian Moreh khua pawh hi a tlawh nghe nghe a ni.

Ruahmanna anga thil a kal a nih chuan Manipur a tlawh zawh hnuah hian Mizoram leh Tripura-te pawh tlawh a la tum niin official thuchhuah chuan a tarlang.



Share this Post

Login to comment
No Comments