Nagaland Lok Sabha inthlanah NDPP leh NPF intum dawn

May 28-a Nagaland Lok Sabha By-poll election neih turah Nagaland-a party lian pahnih Nationalist Democratic Progressive Party leh Naga People’s Front  party candidate-te an inbitum dawn.

NDPP aiawh hian Tokheho Yepthomi a ding dawn a, a symbol-ah 'Globe' a ni dawn a, hetih lai hian NPP aiawh hian C Apok Jamir chu dingin a symbol-ah hian 'Arpa' a hmang dawn thung.

Commissioner & Returning Officer, Nagaland, Motsuthung Patton, IAS chuan Thawhṭanni khan hei hi tichiangin inhnukdawk an awm loh thu a sawi a, May 31-ah vote chhiar a ni dawn tih a sawi bawk.

Election Commission of India chuan Kohima DC chu inthlanah hian Nodal Officer turin an ruat a, General Observer, Dr. J. Ravishankar, IAS chuan party pahnih te chu inthlanna dik leh thianghlim tak kalpui turin a chah bawk.

Expenditure Observers chuan candidate-te pawisa hman theih chin chu cheng nuai 75 a nih thu sawiin an pawisa hman dan hi vawi thum enfiah a ni dawn tih a sawi bawk a ni.

Nagaland Lok Sabha seat hi kumin Assemblyn inthlan an neih dawn khan khatih hunlaia Lok Sabha member, tuna Chief Minister ni ta Neiphiu Rio hi a inhnuhdawh tak avangin a seat hi a awl a ni. Rio hi Chief Ministerial candidate a nih dawn avang khan MP a nihna aṭangin a inhnukdawk a ni.




Share this Post

Login to comment
No Comments