Meghalaya-ah hel panga man, NSCN (K) Dy secy revenue man tel

Meghalaya-a West Jaintia Hills Police Special Cell chuan Pathianni khan Nagaland hel pawl National Socialist Council of Nagaland- Khapalang hel pawl fianance wing mi pathum an man a, an mi man zingah hian  NSCN (K)  deputy secretary revenue pawh a tel thu an sawi.

West Jaintia Hills Superintendent of Police, Vivek Syiem chuan an thudawn bawhzuiin Khliehtyrshi thingtlang khua an dap thu leh, WJH Special Cell Police-te chuan helte hi an man thu a sawi a, an mi man zingah hian NSCN(K) dy. secretary revenue Gaising Maringmei @ Ronal (40) pawh a tel thu sawiin Mookyniang, Khiehtyrshi-a in pakhat aṭangin an man tih a sawi a, ani an man hnuah hian midang pahnih pawh an man leh bawk tih a sawi a ni.

Syiem chuan an mi mante kut aṭang hian cheng nuai hnih leh sim chard eng emaw zat bakah mobile phone leh document-te an man tel thu a sawi bawk.

Police-te hian an mi mante hi thu an zawhchian hnuah Manipur-a construction hna thawktu company M/S Bharatiya Company Limited-te chuan May 10 khan cheng 25, 00,000 NSCN(K) kutah hian an pek thu an sawi tih an tarlang.

Heng hel pathumte man an nih hnuah hian Shillong police-te chuan Police Bazaar-ah hemi ni vek hian an pawl mi leh sa tho mi pakhat an man leh bawk niin police-te chuan an sawi a, Syiem chuan NSCN(K) te hian Jaintia Hills chu tawmhim nan an hmang nia a lan thu a sawi.



Share this Post

Login to comment
No Comments