Nagaland Congress-ten rampum huap kawngzawh zawm

All India Congress Committee (AICC) thuchhuah siam zawmin Nagaland Congress-te chuan Zirtawpni kalta khan Kathua leh Unnao-a pawngsual thleng duh lohna lantir nan mawmbati kengin kawng an zawh.

Kawngzawhna  hian NPCC general secretary, Capt. G.K. Zhimomi chuan hmeichhe laka hleihlenna duh lohna lantirna chuan rampum a nghawr nghing tih a sawi a, pawngsual chungchang pawh sawiin pawngsual tuar te dikna chanvo ngaihtuah sak aiin pawikhawih tute hum an nih zawk thu a sawi.

NPCC president, K Therie pawhin thu sawiin, "BJP in thuneihna an chan hnuah kan unaunu te, kan fanu te leh kan nu te lakah sualna a pung a ni", a ti.

NPCC President chuan state sorkar leh civil society-te chu hmeichhe laka pawikhawihna thleng ṭhin lakah aw chhuah ve turin a ngen bawk.



Share this Post

Login to comment
No Comments