Guwahati IT Commissioner man (

Assam state khawpui Guwahati-a Income Tax Department Commissioner Shwetabh Suman chu kar kalta Zirtawphi khan cheng nuai 50 thamna lak thubuai kaihhnawihah Central Bureau of Investigation (CBI) ten an man.

Official thuchhuah chuan IT Officer hian thamna pawisa tam tham tak sumdawng mi kut aṭangin a la a, pawisa hi middle-man kut aṭanga an hmuh let leh thu an tarlang.

Suman nena inzawmna nei midang te chu Guwahati, Jorhat, Shillong, Noida leh Delhi-ah te zawn mek an nih thu an tarlang bawk.

CBI leh Anti-Corruption Bureau (ACB) ṭangkawp te chuan Inrinni khan IT Commissioner in hi an kharsak a ni.

CBI-te hian Suman bakah hian IT Officer tho, Pratap Das, chartered accountant Ramesh Goenka leh middleman Pranjol Sarma-te chu Assam-ah an man tawh a, midang he thubuai kaihhnawiha inrawlh nia hriat te chu an la zawng mek bawk.



Share this Post

Login to comment
No Comments