Tripura-a Charilam-ah inthlang

February 18 khan Tripura Assembly inthlanna neih ni tawh mah se Charilam Constituency-ah erawh Communist Party of India- Marxist (CPI-M) candidate Ramendra Narayan Debbarma chu inthlan hma lawka a boral avangin he constituency bikah hian nimin khan inthlan hi neih a ni ve chiah a, chawhnu dar 1 thleng khan vote 55.94% a tla tawh.

Zing dar 6 aṭangin he constituency hnuaia polling booth-te hi hawn a ni a, tlai dar 4 thleng poling station-te hi hawn a ni.

Charilam constituency-ah hian vote thlak thei mi 39, 000 an awm a, polling station 40 dah a ni bawk.

Deputy CEO Debashish Modak chuan vote thlak tura intlar te chu tlai dar 4 pelh hnuah pawh an intlar hman a nih chuan vote thlak chhunzawm an phalsak dawn thu a sawi.

He bialah hian Deputy Chief Minister Jishnu Dev Verma chu a ding a, Left Front lam chuan ni thum liamtaah khan an inhnukdawk tih sawi mah se, inhnuhdawh hun khar a nih tawh avangin official tak chuan candidate an la nei tho a ni.



Share this Post

Login to comment
No Comments