Meghalaya NCP candidate in kang chhe vek

Meghalaya Nationalist Congress Party candidate Desang M. Sangma-a in chu Pathianni khan a kang chhe vek a, electric kal dik loh vanga kangmei hi chhuak a nih rin a ni.

Desang M. Sangma hi Meghalaya inthlan awm turah hian Ronjeng assembly condtituency-ah a ding dawn a, term hnih he constituency-ah hian a ding tawh nghe nghe.

Police-te chuan kangmei chhuah ṭan hun hi zan dar 6:15 vel a nih thu an sawi a, Fire and Emergency service an thlen theih lawk loh avangin in hi a kang ral hman vek niin an sawi.

Ronjeng Fire and Emergency service hian East Garo Hills district headquarters Williamnagar km 50 laia hla aṭanga kal kangṭhelh motor an nghak niin police te chuan an sawi a, hemi a nih avang hian kang ṭhelh tur te hian a hmun hi an thlen har thu an sawi bawk.

Superintendent of Police in-charge East Garo Hills district, Ringrang Momin  chuan kangmei a chhuah velah hriattirna an dawn nghal thu a sawi a, Fire and Emergency service lam pawhin kal vat duh hle mah se an duh anga an awm theih loh thu a sawi a ni. Momin chuan Rongjeng station chu repair mek a nih thu leh hemi a nih avang hian Williamnagar aṭanga motor hi chah a nih thu a sawi.

Police-te hian kangmei chhuah chhan hi an chhui chiang mek a ni.



Share this Post

Login to comment
No Comments