AP MLA in damdawi leh hmanrua pe hnem

Arunachal Pradesh-a Lunga Constituency MLA Kambey Tashi chuan a intiamna angin a constituency chhunga health sector hmasawnna turin cheng nuai 15 man hu damdawi leh damdawi lam kaihhnawih bungrua a pe. Tashi hian Tawang DMO Dr Wangdi Lama kutah heng a thilpek-te hi a hlan a ni.

Tashi hian a hmain Arunachal Pradesh Building and Other Construction Workers Welfare Board (APB&OCWWB) Chairman Jalley Sonam nen ṭangkawpin helai vela hnathawk te tan ambulance an lo pe tawh bawk.

MLA Tashi hian helai district-a hnathawkte tana registration tih a pawimawh zia campaign neihnaah thu sawiin, hnathawktute chu project hlawhtling taka kalpui a nih theihna tura ban pawimawh ber an nih thu te, an tel lo chuan engmah a tih theih loh thu a sawi.

Hmasawnna nasa tak khawvelah a awm a nih chuan, a chhan bulpui ber chu an thisen leh thlan chhuaka hna thawktute an nih thu a sawi bawk.

Pema Khandu sorkar chuan skilled leh unskilled hna thawktute hlawh a ngaih pawimawh thu sawiin, a ngheta an thawh theihna tura hma lak mek a nih thu a sawi.



Share this Post

Login to comment
No Comments