Khawvel hnenah Sikkim pho lan a ṭul - AR Rahman

Oscar award hial pawh la tawh, Sikkim brand Ambassador hmasa ber ni bawk AR Rahman chuan Sikkim chu khawvel mithmuha pholan a ṭul thu sawiin, India pawhin hmarchhak state-te chu an thinlung taka an pawm a beisei tawh thu a sawi.

AR Rahman chuan hmachhak state-te chu mit la tak a nih thu sawiin rophum la haichhuah loh an ni, a ti. India ramah chuan la pholan loh tak state an nih thu a sawi bawk a, hmabak tih tur tam tak a la awm thu a sawi bawk. 

Rahman chuan kum 7  kalta chhung vel khan Hmarchhak musician mitla tak tak mi eng emawzat a kawm tawh thu a sawi a, chung zingah chuan Shillong Chamber Choir pawh an tel thu a sawi a ni. India ram mi ngei anni tih rilru an put a hun tawh hle a ni, a ti bawk.

Grammy award hial pawh lo la tawh AR Rahman chuan Sikkim chu a la promote tur thu a sawi a, Sikkim chu hmun mawi tak a nih avangin khawvel mit hmuha pholan ngei a la duh thu a sawi bawk a ni.



Share this Post

Login to comment
No Comments