Lt General Gopal R-a'n Spear Corps charge la

Thawhlehni khan Lieutenant General Gopal R chuan Spear Corps-a General Officer Commanding (GOC) nihna charge a la tih Army official-te chuan an tarlang. Spear Corps hi Army-ah chuan an corps chhuanvawr leh lian ber zinga mi a ni.

Spear Corps GOC charge hi GOC ni lai Lt Gen Anil Chauhan hnen aṭangin a la a, Chauhan hi Army Headquartes, New Delhi-ah a insawn thung.

Spear Corps, 3 Corps Rangapahar ti a hriat bawk hi Nagaland Demapur District-a awm a ni a, Lt General Gopal R hi Eight Gorkha Rifles-a Infantry officer ni lai a ni.

Gopal hi experience ngah tak a nih thu Army official-te chuan an sawi a, hmarchhak lamah pawh tawnhriat ngah tawh tak a nih thu an sawi bawk.

GOC thar hian Army-ah hian thuneihna hrang hrang-a lo chang tawh a, Siachen Glacier-ah pawh Infantry Battalion-te pawh a lo enkawl tawh a ni.

Botswana-a Defence Command and Staff College dintu zinga mi a ni bawk.



Share this Post

Login to comment
No Comments