Meghalaya vote thlak tur zingah hmeichhia tam zawk

Meghalaya state electoral roll-a inziak lut zinga 50.4% chu hmeichhia an nih thu election official-te chuan an sawi.

Thawhlehnia vote thlak tur list tarchhuahah khan hming 18,30,104 tarchhuah a ni a, heng zinga mi 9,23,848 hi hmeichhia an nih thu chief electoral officer (CEO) F R Kharkongor chuan a sawi.

Kharkongor chuan list hi tarchhuah a nih hma hian uluk taka enfiah a nih thu a sawi a, Meghalaya-ah hian mi maktaduai 3.2 an awm thu leh heng zinga 74.4% chu ziak leh chhiar thiam an nih thu a sawi bawk.

CEO chuan tun Assembly term hi March 6-a a zawh tawh dawn thu leh inthlan hun tur tarlan hmaa inpeih fel vek an tum thu a sawi.

Electoral roll ennawn a nih leh thu sawiin vote thlak tur zinga 3, 27,595-te chu kum 18-19 inkar an nih thu a sawi a, heng zingah hian vawi khat nana vote thlak tur mi 42,843 an awm niin a sawi bawk.

Voter lost aṭang hian hming 8,276 an paih thu sawiin heng application 6,645 an hnawl thu a sawi bawk a ni.

Tripura ang lo takin Meghalaya-ah hian third gender-a inziaklut an awm lo.

Kharkongor chuan polling station tam tak dah belh a nih dawn thu sawiin, 2013 khan station 2,485 a awm laiin kuminah chuan station 3,082 a awm dawn niin a sawi a, 24%-a a pun thu a sawi bawk a ni.



Share this Post

Login to comment
No Comments