AP by-poll inthlan atan 6 in nomination thehlut

Arunachal Pradesh-a constituency pahniha inthlan awm turah mi parukin Thawṭanni thleng khan nomination paper an thehlut. 

Deputy Chief Minister hlui leh Congress candidate ni bawk Kameng Dolo leh BJP candidate B R Waghe te chuan Pakke-Kessang constituency-a ding tur hian nomination an thehlut a ni.

Likabali constituency-ah erawh candidate pali- Kardo Nyigyor (BJP), Modam Dini (Congress), Gumke Riba (Peoples Party) leh Sengo Taipodia (Independent) ten nomination an thehlut thung. Inthlan neihna tur constituency pakhat zawk Likabali seat hi September 4-a Guwahati-a Health and Family Welfare Minister Jomde Kena thihsan a ni a, Pakke-Kessang seat erawh hi chu Gauhati High Court-in BJP nominee leh minister hlui Atum Welly-an petition a file anga deputy Chief Minister hlui Dolo-a tlin a pawm loh vanga awl a ni thung.

Nimin khan nomination paper te hi an enfel a, vawiin thleng hian candidiate te hi an inhnukdawk leh thei ang.

Inthlan hi December 12-ah neih a ni dawn a, December 24-ah vote chhiarin result puan nghal a ni dawn bawk a ni.



Share this Post

Login to comment
No Comments