NSCN-IM-te'n Assam rama an hmun ngiat tharthawh

Naga hel pawl National Socialist Council of Nagaland (NSCN-IM) hruaitu leh Rengma Naga Hills-a Naga aiawh bakah Assa, Karbi Anglong-a Naga aiawhte chuan meeting neiin, sorkar laipui leh NSCN-IM-te'n inremna an siam ve lehah Naga-te tan Assam-a hmun neih ngei an beisei thu an sawi.

He meeting hi NSCN-IM hmunpui, Nagaland-a Hebron hmunah an nei a ni.

Assam-ah hian mi tam takin sorkar laipui leh NSCN-IM inbiakna puanzar an phut a, Upper Assam-ah phei chuan Congress huaihawtin an inbiakna puanzar a nih loh avang hian Inrinni khan lungawi lohna a n lantir a ni. Assam leh Nagaland hian ramri chungchangah buaina neuh neuh an nei reng a, hetih lai hian NSCN hruaitute chuan an duh danan inremna siam a nih chuan Naga-te chu India aṭang zalenna nei tur angin an sawi.

NSCN-IM-in Naga-te tan ram hran an ngiat chungchangah hian Assam Chief Minister Sarbananada Sonowal pawhin Assam-in a ram inchi khat pawh a hloh loh tur thu a lo sawi tawh bawk. Manipur-a party hrang hrang leh pawl hrang hrang aiawhte pawhin hemi chungchangah hian sorkar laipui an lo dawr tawh bawk a ni. 



Share this Post

Login to comment
No Comments