Manipur-ah bomb a puak Assam Rifles sipai 2 thi

Manipur-a Chandel bulah Thawṭan zing khan Assam Rifles-te patol laiin chu bom chak tak, Improvised Explosive Device(IED) hmanga beih an ni a, sipai pahnih an thi. Sipai pahnihin nunna an chan bakah hian midang parukin hliam an tuar bawk.

He bomb hi firfiak pawl tihpuah ni ngeia hriat a ni a, eng pawl ber nge tih erawh hriat a la ni lo. Sipai pakhat hi a hmunah a boral nghal a, pakhat erawh hi chu dawmdawiin an panpui laiin a boral a ni. Hliam tuarte pawh hi damdawiinah hruai nghal an ni bawk. Assam Rifles-te patrol-na hmun hi Chandel District-a an camp bulah a ni a, helai hmun hi Myanmar leh India inrina bul niin, Manipur khawpui Imphal aṭanga km 64-a hlaa awm a ni.



Share this Post

Login to comment
No Comments