Manipur CM-in helpawlte nena inbiak duh

Manipur Chief Minister Biren Singh chuan state sorkar chuan state chhunga helpawl hrang hrangte chu sorkar laipui telpuina hnuaiah remna zawnga inbiakna neihpui a duh thu a sawi. 

Chief Minister Biren Singh chuan, "Helpawlte nena inbiakna neih hi sorkar chuan a duh a, remna zawn hi a ṭul takzet tawh a ni. Hmasawnna daltu ber pakhat a nih vangin inbiakna hi neih thuai a ngai a ni" a ti. State chhunga helpawl 30 chuang awmte chu inbiakna neihpui a duh thu a sawinaah hian, remna leh muanna a awm theihna tur a nih phawt chuan a thuneihna pawh ken a huam thu a sawi lang bawk.

Biren Singh chuan, "Prime Minister Narendra Modi-a kaihhruai NDA sorkar chuan, Manipur sorkar rawn chungin helpawlte hi inbiakna neihpui turin sawm se la, Manipur sorkar chu a ṭul ang angin a hlawhtlinna turin a thawk vek mai dawn a ni" a ti. Hemi kawngah hian ke an pen tawh thu a sawi bawk.

Remna awmna turin party dan siamtu ten an thuneihna dah an huam dawn em tih zawhna chu chhangin, an inpeih thu leh inbiakna neih a nih a, remna leh muanna a awmna tur a nih dawn phawt chuan a thuneihna pawh ken a hnial loh thu a sawi. 



Share this Post

Login to comment
No Comments