Meghalaya-in Assam ramah kawngpui a siam : Assam Minister

Parliamentary Affairs Minister Chandra Mohan Patowary chuan Meghalaya sorkar chu Assam ramchhunga kawngpui siamah a puh a, hemi chungchang hi Assembly house-ah a  sawi chhuak. 

Minister Chandra Mohan Patowary chuan Kamrup district-a Lampi-ah kawngpui hi a siam tih sawiin, helai hmunah hian school, biak-in leh mimal in te pawh sak a nih thu a sawi. Hemi chungchang hi MLA Nandita Das chuan House-ah sawichhuakin, Kamrup district-ah hian Meghalya sorkar chuan huang a zauh zel niin a sawi. Hei hi Border Areas Development department minister aiawhin minister Patowary chuan chhangin, Meghalya sorkar chu a ram lo nek leh, luah luiah a puh a ni. Hetih rual hian state pahnih ten ramri chungchanga an buaina chingfel tur hian chief ministerial leh chief secretarial level inbiakna neih a nih fo thu a sawi. 

Minister Patowary chuan ramriah hian venhimna khauh zawka kalpui a nih thu sawiin, Lower Lampi leh Upper Lampi-ahte Border Outpost dah a nih thu house a hrilh bawk. 



Share this Post

Login to comment
No Comments