Khawvela varsity tha zingah Assam university pahnih lang

Khawvela university ṭha 1,000 thlanchhuah zingah Assam-a university pahnihte chu an lang. 

The Times Higher Education, London-in khawvela university ṭha a thlanchhuah zingah hian, IIT Guwahati leh Tezpur University-te chu an lang phak a, hmarchhak aṭanga langpha awmchhun an ni. Tezpur University hi a zawna ṭum hnih a lanna a ni a, kum 2016 khan 601-800 inkarah a lo lang tawh a ni. Hetih rual hian IIT Guwahati pawh top 1,000-ah hian langin, 601-800 range-ah a lang phak a ni. 

Tezpur University hi Central University niin, Assam-a Univeristy hlun leh changtlung ber zinga mi a ni. Kum 1994 khan din a ni a, kha tih hun laia prime minister P. V. Narasimha Rao chuan University hi a hawng. Assam Governor Banwarilal Purohit chu Chancellor ni lai a ni a, Prof. Madan Mohan Sarma chu Vice-Chancellor (in-charge) a ni bawk. 

Indian Institute of Technology Guwahati (IIT Guwahati) hi Indian Institute of Technology paruk zinga a ṭha ber pawl niin, ram chhunga University lar leh changtlung ber pawl a ni. IIT Guwahati  din a nih theih nan hian kum 1985 khan All Assam Students Union leh sorkar laipuite chuan inremna an lo ziak tawh a ni. Kum 1995 aṭang khan mumal takin kalpui chhoh ṭan a ni.



Share this Post

Login to comment
No Comments