‘No Selfie Zone’-ah Saraighat Bridge puang

Assam-a Saraighat bridge chu lirthei vei vak leh mipuite an him zawk nan ‘No Selfie Zone’-ah puan a ni. 

Kamrup (Metro) Deputy Commissioner M Angamuthu chuan thupek hi a tichhuak a, dan bawhchhetu chu cheng 10,000 thleng chawi tir theih an nih tur thu a tarlang.  M Angamuthu chuan hei hi lirthei chevel a mumal zawk nan leh, mipui him zawkna tura ruahmanna a nih thu a sawi. Saraighat lei-ah hian lirtheia kal leh kea kalten mahni thla inlak 'selfie' an ching hle tih sawiin, hei hian lirthei chevel a tihbuai phah bakah, kea kalte tan a him tawk lo tih a sawi a, khapna thupek hi chhuah a nih tak thu a sawi. He lai hmunah hian chetsualna  lo thleng fo tawh ṭhin tih sawiin, hetiang thil hi a thlen zel loh an duh thu a sawi. 

Assam khawpui Guwahati-a hmun ṭhenkhatah pawh  'selfie' hi khap a nih thu Kamrup (Metro) Deputy Commissioner M Angamuthu chuan a sawi bawk. Deputy Commissioner of Police (Guwahati West) chuan he khapna hi a lo tichhuak tawh a ni. 



Share this Post

Login to comment
No Comments