Shillong-ah BSNL-in Free Wi-Fi Zone siam dawn

Bharat Sanchar Nigam Limited (BSNL) Northeast circle chuan Meghalaya khawpui Shillong-ah Free Wi-Fi Zone 10 a siam dawn. 

BSNL NE I Circle hotu Kamal Kumar Saxena chuan, Scotland of the East tia hming lem an vuah Shillong-ah hian free wifi zone hmun 10-ah siam a ni dawn a, hna pawh zawhfel ṭep tawh a ni, a ti. Mipuiten a thlawna internet an hman theih nan hian chak taka hma lak a nih thu sawiin,  tun thla tawpah hi chuan engkim peihfel hman an beisei tih a sawi. Saxena  chuan Shillong bakah hian hmun dangah pawh dahbelh zel tum a nih thu a sawi bawk. 

Free Wi-Fi Zone hi - Police Bazaar, NEIGRIHMS, Happy Valley, Forest Colony, JN Stadium, Garikhana, ICAR complex, Rynjah, GMTD leh CGMT complexe-ahte siam a ni ang. Wifi hi meter 100 huam chhungah a thlawnin a hman theih dawn a ni. 



Share this Post

Login to comment
No Comments