Manipur-ah bandh huaihawt vangin nunphung khaihlak

Manipur khawpui Imphal leh Moreh inakalpawhna National Highway 2 chu, pawl hrang hrangten bandh an huaihawt avangin kaltlang theih a ni lo a, hei hian lirthei chevel leh mi nawlpui nunphnung a ngawngbuai nasa hle. 

Bandh hi Hill Tribal Council, Meitei Council Moreh, Kuki Chiefs Association (Moreh Block) leh hmeichhe pawl hrang hrangten an hauihawt a ni. 

Nongkham Gammon khaw hruaitu Otkhomang Mate leh hemi khuaa kohhran hruaitu pakhat Tilpao Haokip-te chu kahhhlum an ni a, January 6 khan an ruang hmuh a ni. He thil thleng duh lohna lantir hian bandh hi huaihawt a ni a, darkar 16 chhung a awh a, mipuiten an thlawp ṭha hle nia tarlan a ni. Imphal-Moreh pana lirthei tlan ṭhin te chu Tengnoupal lamah tlan tir an ni.  

He thil thleng hi Mate Tribe Union-te chuan an dem tak zet tih an sawi a,  tun hnuah chuan thleng tawh lo se an duh thu an sawi. Chingshanglak Rilram Yekkul Area leh Nongkham Satang Village Authority-te pawhin inthahna thleng chu an dem thu an sawi ve bawk.


Share this Post

Login to comment
No Comments