Tripura-a thihna thlentu tam ber lirtheia chetsualna

Tripura-a thihna thlentu tam ber chu lirtheia chetsualna niin, state Director General of Police K. Nagaraj chuan Thawhṭanni khan a sawi. 

DGP K. Nagaraj chuan, kum 2016 chhungin lirtheia chetsuala thlengah mi 174 zetin nunna an chan tih sawiin, kum 2015 aiin nunna chan an tam tih a sawi. Kum 2015 khan Tripur-ah hian lirthei chetsualna thlengah mi 163-in nunna an chan a, kum 2016-a nunna chan punna hi 6.75% a tling a ni. Kum 2016 chhung vek khan lirthei chetsual thleng kaihhnawihah, hliam tuar mi 853 zet an awm bawk niin, DGP chuan a sawi. 

K. Nagaraj hian Thawhṭanni khan Road Safety Week a hawng a, lirthei chesuala nunna chan an tam thu hi a sawi chhuak a ni. Nagaraj chuan, India ram mipui nuai khat zelah, lirthei chetsualna avangin kum tin mi 39 thi ang an nih thu sawiin, Tripura-ah chuan mi nuai khatah mi 4.5 zel thi ang an ni, a ti. Tripura-ah hian lirthei 106.18% zetin a pung a, chetsualna thleng pawh kum telin a pung chho a ni. Hemi veng tur hian state sorkar chuan hma ala mek reng tih, Transport Minister Manik Dey chuan a sawi ve bawk.


Share this Post

Login to comment
No Comments