Tripura Congress-te'n pawisa tih thih duhlohna lantirin nawrh huaihawt

Tripura-a Congress party-te chuan sorkar laipuiin November 8 zana Rs 500 leh Rs 1,000 note a tihthih avanga mipui tawrhna thleng mek duhlohna lantirin, Thawhṭanni khan state pumah lungawihlohna an lantir. 

Lok Sabha MP hlui Sardar Amzad Ali chuan,"Tun thlengin state mipui tam zawkin harsatna kan la tawk a, ni tam tak liam hnuah pawh sum indaih lohna chu chinfel a la ni lo. Sorkar lapui thutlukna hi Congrees party chuan a duh loh tak zet a, mipuite harsatna sutkian a nih hma loh chuan kawng hrang hrangin lungawi lohna lantir zel a ni ang" a ti. Prime Minister Narendra Modi-a kaihhruai sorkar chuan ni 50 liam hnuah pawh mipuite harsatna a la sukiang thei lo chu an dem tak zet tih a sawi. 

Ali chuan, AICC Vice President Rahul Gandhi pawhin prime minister hnenah ngenna alo thlen tawh a, pawisa note lian tih thih a nih hma thlaruk chhunga bank-a cheng nuai 25 chin chunglam dahlutute hming list tarlang turin a phut a ni. He ngenna hi tun thlengin Modi chuan ala chhang lo a, thil dik lo eng emaw chu a awm ngei a ni, a tibawk. 

Congress party hian lungawilohna hi Tripura khawpui Agartala-ah huaihawt a, hun eng emaw chen chu lirthei che vel leh mipui nunphung a buai phah hle.


Share this Post

Login to comment
No Comments