Nagaland ULB election : Tribal-te'n bandh an hauhawt vangin chuh tuma hming pekluh belh an awm lo

Nagaland-a Urban Local Body (ULB) election atana chhuh tumte hming pek luh theih hun chu Thawhṭannni khan a tawp a, chuhtumte tana hmingpek luh theih hun chhung pawhsei nimahse, tribal pawl hrang hrangten bandh an huaihawt avangin chhuh tuma hming pekluh belh an awm lo niin, State Election Commission (SEC) chuan a tarlang. 

State Election Commission (SEC) chuan, kar kalta khan municipal paruk leh town council 25-a election neih tura chuh tumte tana hming pek luh theih hun hi a lo pawtsei tawh a, mahse tribal-te'n hmeichhia te tana seat 33% hausak duhlohna lantira bandh an huaihawt avangin, hun tiam chhunga hming pekluh belh hi an awm lo a ni. SEC chuan February 1-a ULB election neih tur atan hian candidate 558-te chuan January 7 thleng khan hming an lo pelut tawh tih sawiin, hming pekluh belh an awm tak loh avang hian candidate 558-te nomination paper chu nimin khan endik a nih thu an sawi. 

Municipal leh town council eletion neih turah hian Naga People's Front (NPF) chuan candidate 268 an thehchhuak a, candidate nei tam ber an ni. Congress (31), BJP (79) leh Independent candidate 180-te'n hming an pelut ve bawk. Independent candidate zingah hian hmeichhia 171 zet an tel a ni. January 17 thleng inhnuhdawhna hun hawn a ni. Hetih lai hian municipal council paruk - Kohima, Mokokchung, Tuensang, Mon, Medziphema leh Changtongya-ah te chuan chuh tuma hming pelut an awm lo a, hei hi tribal-te'n bandh an huaihawt vang nia tarlan a ni. 

Angami Youth Organisation, Angami Public Organisation leh Ao Senden-te chuan Nagaland khawpui Kohima-ah bandh hi an huaihawt a, hei hian election atana inbuatsaihna a ti khaihlak nasa hle a ni. Pawl hrang hrangte chuan hmeichhe tana seat 33% hausak duh lohna lantira eletion boycott an tum thu an sawi bawk.


Share this Post

Login to comment
No Comments