MLA-in a bialah thlai chi a sem

ZPM MLA Andrew H Thang­liana chuan a bial, Tuirial con­stituency chhung khaw hrang hrang - Lungdai, Serkhan, Nisapui, Lungmuat, North Chal­tlang I & II leh Bûkpui khuaa mite hnenah thlasik thlai chî a sem. 

Andrew H Thangliana chuan, kalphung thar, mipui sorkar siam duhtute an pun zel thu sawiin, "Zoram politics-ah harh tharna a thleng zel. Kut hnathawktute tan káwl a êng zel dawn a ni," a ti a; intodelh tura hmalak a ṭul tak zet thu a sawi.

Hripui léng leh ramria buaina vanga harsatna Mizoramin a tawh chu Mizote tiharhtu ni se a duh thu Andrew Thangliana chuan a sawi a; Mizoram MLA zingah MLA-puite bàn tura hêkna awm chu pawi a tih thu leh Legislative Assembly session hmél mawina a bâl kumkhua tur chu ṭha lo a tih thu sawiin, "Tuna ramri buaina leh ei leh bára harsatna kan tawh mek hi an mi hêk Pu Lalduhoma hruaina hnuaia awm ni ta zawk ila, a thlen ka ring lo," a ti.