MZP-in HM ramri an sawipui

Mizo Zirlai Pawl (MZP) hruaitute chuan nimin khan Home minister Lalchamliana a pisaah an kâwm a, ramria hmalak mekna chungchang an sawipui.

Mizoram leh Assam ramria buaina leh harsatna thleng chungchanga Home Minister hmalakna chu MZP leh mipuite'n an duhkhawp loh thu sawiin MZP hruaitute chuan, Mizote luah china police duty te chu thuam chak leh zual tur leh ramria duty te duhsak leh zual turin Minister an ngen a ni.

MZP hruaitute chuan, Assam sorkarin ramri ngaihtuahtu tur bik Boundary department an neih dante leh ramri tihhmasawnna tur a hranpaa budget an neih avangin development chak taka an kalpui zung zungte chu a rualawhthlak an tih thu an sawi bawk.

Minister Lalchamliana chuan, MZP thil thlen hrang hrang chu Chief Minister a sawipui tur thu leh a theih ang anga hmalak a nih tur thu a hrilh a; ramri ngaihtuahtu tur department a nih êm loh pawhin, boundary wing emaw tal neih ngei a nih theihna turin hmalak a nih tur thu a sawi a ni.