RNA Automated Extraction System phur thleng

Covid-19 kai leh kai loh finfiahna atana swab sample endikna khawl RTPCR hnathawh tichaktu tur RNA Automated Extraction System chu nimin khan thlawhtheihna hmangin Lengpui Airport-ah phurh thlen a ni a, ZMC panpui nghal a ni. Khawl thar hi State Disaster Respond Fund sum hmanga lei a ni a; hman a nih hunah chuan tuna RTPCR awm mek hmangin ni khatah sample 1,000 chuang endik theih beisei a ni.