Covid-19 dan bawhchhia 8,697 man tawh
The Mizoram (Containment and Prevention of COVID-19) Ordinance, 2020 hnuaiah Mizoram pumah mi 8,697 man an ni tawh a, chung mite sum chawi zat chu Rs. 19,21,200 a tling.
Mizoram police thuchhuah tarlan danin, May 4, 2020 aṭanga Covid-19 Ordinance hman a nih aṭanga dan bawhchhia man mi 8,697 zinga 7,279 chu police-te man niin, pawisa an chawitir zat chu Rs. 17,26,600 a ni a, mi 1,418 chu task force-te man niin, an pawisa chawi zat chu Rs. 1,94,600 a ni.
June 8, Thawhṭanni zing dar 9 aṭanga nimin zing dar 9 inkarah khan vantlang hmuna hmai tuam lo Ordinance Section 4(1) bawhchhia police-in mi 335 leh task force-te'n mi 34, an vaiin mi 369 an man a, pawisa chawitir zat chu Rs. 36,900 a ni. Social distancing kaihhruaina - Ordinance Section 4(2) bawhchhiah police-in mi 19 manin, Rs. 3,800 an chawitir.
Police-in quarantine facility-a awm laia dan bawhchhia leh mi dang dinhmun hlauhthawnawma siamtu mi pakhat manin, Rs. 500 an chawitir a; Covid-19 kaihhnawiha dan dangte bawhchhetu mi 42 police-in manin, Rs. 42,000 an chawitir bawk. Darkar 24 chhunga mi an man zawng zawng chu 431 (police man 397 leh task force man 34) an ni a, pawisa chawitir tlingkhawm chu Rs. 83,200 (police-in an chawitir Rs. 79,800 leh task force-in an chawitir Rs. 3,400) a ni.
Covid-19 Ordinance bawhchhia
Man tawh leh pawisa chawitir zat
(June 9, 2020 zing dar 9 thleng)
District Man zat Pawisa chawi
Aizawl 3,601 Rs. 7,86,100
Lunglei 730 Rs. 1,82,500
Siaha 390 Rs. 55,200
Champhai 514 Rs. 92,900
Kolasib 90 Rs. 9,200
Serchhip 708 Rs. 1,05,300
Lawngtlai 746 Rs. 77,700
Mamit 537 Rs. 77,000
Saitual 361 Rs. 99,400
Khawzawl 219 Rs. 22,900
Hnahthial 399 Rs. 44,200
Traffic 402 Rs. 3,68,800
TOTAL 8,697 Rs. 19,21,200