Meghalaya sorkarin Power project siamna tur MoU titawp
Meghalaya sorkar chuan kum 2010-a state sorkarin power project siamna tura private company inremna a ziahpui tawh chu a titawp.
Cabinet chuan Congress sorkar laia kum 2010 khan 65 MW Rangmaw hydel power project siamna turin state sorkar chuan Sew Energy Limited chu MoU a ziahpui tih a sawi.
Deputy chief minister Prestone Tynsong chuan, "Kum 2010 khan sorkar chuan hmanhmawh takin a ziahpui a ni. Mahse company-in hna an thawh ṭan dawn hian, sorkar chuan he project hi thawh theih a ni lo tih a hria a ni," a ti. Hei vang hian inremna an siam tawh hi titawpin, project siamna atan hian a tharin Expression of Interest tih thar leh a tum tih a sawi.
He project tihtawp a nih hnuah Meghalaya-ah hian power project 14 a awm meka, heng project-ten power an pekchhuah theih zat hi MW 1594.05 a tling.
Meghalaya cabinet chuan state chhunga St Xavier University dinna tura phalna a pek bakah, e-stamp paper hman an rel bawk.