Agency khuahkhirhna tur dan LESDE-in an buaipui mek

Labour, Employment, Skill Development & Entrepreneurship (LESDE) minister Lal­chhan­dama Ralte chuan, employment agency khuahkirhna dan buaipui mek a nih thu a sawi.

INC member Lalrindika Ralte zawhna kal zelah Lalchhandama Ralte chuan, Allo­cation of Business thar ber, 2019 kum tàwp lama tihchhuahah employment agency chungchang chu LESDE department kuta dah a nih chauh thu a sawi a, "Kan kuta a awm hnuah kan bawhzui a, meeting-te neiin employment agency khuahkhirhna tur dan buaipui mek a ni," a ti.

LESDE Minister sawi danin, Mizoram Youth Commission kaltlangin an hriat theih chinah kum 2019-20 chhungin ṭhalai hna hmu 207 an awm a, mi 151 chu Mizoram chhungah niin, mi 56 chu Mizoram páwnah a ni.