Bawngkawn South an thiam ber

Nimin khan Durtlang Khelmualah Valpuia Memorial T20 Tournament khelh zawh a ni a, inkhel hmuhnawm takah Bawngkawn South chuan Armed Veng chu wicket ruka hnehin an champion.

Ṭhum vawra vannei zawk Armed Veng lamin vawm hmasak an thlang a, over 20 chhunga run 142 siamin mi pasarih an thi. Bawngkawn lamin over 18.2 lekah an target an umphak a, mi pali chiah an thi thung - nuamsa takin hnehna an chang.

Valpuia Memorial T20 Tournament hi Cricket Association of Mizoram (CAM) hnuaia II leh III division club inelna a ni a, kumin hi an buatsaih vawi khatna niin final-ah II division team pahnih an inhmachhawn a ni.