Mipa upa bera puan a thi

Khawvela mipa damlai zinga upa bera puan thar, Japan mi Chitetsu Watanabe chu kum 112 mi niin Pathianni khan a thi. 

Chitetsu Watanabe hi khawvel mipa damlai zinga upa berah February 12 khan puan niin, Guiness World Records chuan certificate a hlan. Mahse hemi hnu lawk hian khawsik neiin, thil a ei mumal lo a, thawk lamah te harsatna a nei chho a ni. Pathianni khan a thi a, mahse a thih thu hi nimin khan sawichian a ni chauh a ni. 

Watanabe hi kum 1907-ah piangin, Taiwan-ah kum 18 chhung hna a thawk. Japan-a a kir leh hnuah sorkar hnuaiah a pension thlengin a thlawk leh a ni. A  pension hnuah an chhungkaw farm-ah thei leh thlaite chingin a enkawl a, bonsai a lawm hle bawk. Watanabe hian a damreina thuruk chu hlim taka awm a, nuih tam a nih thu a lo sawi tawh a ni.