Assam CM hnenah politics award hlan

Assam chief minister Sarbananda Sonowal chu kar liam ta Zirtawpni khan Gujarat-a 6th India Ideas Conclave-ah  Dr. Syama Prasad Mukherjee award 2020 for Politics hlan a ni. 

He award hi India Foundation buatsaih niin, Sonowal hnenah hian external affairs minister S Jaishankar leh, Maldives Speaker Moahmed Nasheed ten an hlan a ni. Award hian chawimawina thuziak, trophy leh pawisa fai cheng nuai khat a keng tel. 

Sonowal chuan award hlan a ni chu lawmawm a tih thu leh, amah nawr kaltu leh chakna petu, Assam mipuite tan a hlan tih a sawi. India Foundation hian Sonowal bakah Dr BR Shenoy Award for Economy chu NK Singh; Sree Narayana Guru Award for Social Work chu P Parasaran leh Ustad Bismillah Khan Award for Culture chu Shri Bharatbala te hnenah a hlan bawk.