PM sawisel vangin Assam zirtirtu man

Assam-a college zir­tirtu, Souradeep Sengupta chu social media-ah tun hnaia Delhi-a tharum thawhna thleng chung­changah prime minister Narendra Modi sawiselna a post avangin Zirtawpni zan khan man a ni. 

Silchar-a Gurucharan College-a Physics depart­ment-a guest lecturer, Sengupta hian kar liam ta khan Delhi-a buaina thleng chungchang chu a Facebook-ah ziak langin, BJP leh RSS chu kum 2002-a Godhra, Gujarat-a buaina nasa tak chhuak ang kha Delhi-a thlen tir tum lehah a puh. Hei bakah hian PM Modi chungchang chu ṭawngkam mawi lo takin a sawi zui bawk.

 

Sengupta thu post avang hian Zirtawpni khan a chenna in bulah RSS zirlai pawl, Akhil Bharatiya Vid­yarthi Parishad (ABVP) member-te chu lungawi lohna lantirin an pungkhawm a, a thusawi avang hian Facebook live hmanga ngaihdam dil turin an phut. Hemi hnu hian police-te chuan Sengupta hi an man zui ta a ni. Police-te chuan Seng­upta hi Indian Penal Code leh Information Tech­nology Act section hrang hrang hnuaiah thu­buai an siamsak nghal bawk.