Bihar inthlanah JD(U) in NDA a thawhpui dawn: Nitish Kumar

Bihar chief minister Nitish Kumar chuan Pathianni khan Bihar state assembly inthlanah Janata Dal (United) chuan NDA an thawhpui dawn a, seat 200 chuang an la dawn tih a sawi.

Patna-a Gandhi Maidan-a party worker meeting-a thu a sawinaah Nitish Kumar chuan hemi chungchang hi a sawi a, an state chhungah chuan dan leh thupek kenkawhna kawngah pawh hmasawnna nasa tak a awm bakah mipui awm zawng zawng aṭanga chhutin Bihar chu ramchhunga sualna tlem berna zinga mi a ni tawh, a ti.

Bihar-ah hian Assembly seat 243 a awm a, Nitish Kumar-a kaihhruai party hian seat 200 chuang zet lak an tum a ni. Eptu party lam pawh bei zuiin RJD leh Congress chuan hnam tlem zawkte vote chauh an duh a, JD(U) chuan an hmasawnna turin a thawk zawk tih a sawi.