Semifinal-ah Simona Halep

Dubai Tennis Championships khelh laiah Simona Halep chuan harsa takin semifinal a in hlangkai, seeded pakhatna Halep hian final lut tur chuan Jennifer Brady a paltlang leh a ngai ang.

Ningani zan quarterfinal inkhelah Halep hian Aryna Sabalenka lakah set a hloh hmasa. January thlaa an intawn ṭumin Halep hi a chak loh tawh avangin tun ṭumah pawh tlawm leh tura ngaih a ni hman.

Mahse, Grand Slam vawi hnih champion tawh hi huaisen taka tho chhuakin world number 13 hi 3-6, 6-2, 6-2 in a hneh. Halep hmachhawn leh tur Brady hi tun hnaia khel ṭha tak Garbine Muguruza hneh thei a nih avangin a awlsam lo ang.

Inkhel dangah Elena Rybakina chuan darkar khat leh minute 41 chhungin Karolina Pliskova chu 7-6 (7-1), 6-3 in a ngam. Season duhawm hmangtu Rybakina hian Petra Martic a hmachhawn leh dawn; Matric-i hian Anett Kontaveit 7-6 (7-4), 6-1 in a lo hneh ve thung a ni.