Covid-19 dona kawnga hmalakna enpuiin Central team-in Nagaland state tlawh

Nagaland sorkarin an state-a Covid-19 leng mek dona kawnga a hmalakna enpui turin, member pathum awmna central team chuan Nagaland an tlawh. 

State health and family welfare department-a nodal officer, Dr Nyan Kikon chuan central team hian Kohima leh Dimapur district hospital leh Covid Care Centre dinhmunte an enfiah a, Covid-19 leng mek dona kawnga hmalak dan hrang hrang leh khuahkhirhna kalpui a nih dan te chu District Task Force (DTF) official-te an sawipui bawk. 

Central team hian report hi sorkar laipuiah an thehlut dawn a ni. 

Kikon chuan an state sorkar chuan Covid-19 vaccine a awm huna an state-a semchhuah dan tur a buaipui mek tih sawiin, vaccine sem chhuah thawh  khatna kalpui turin an inbuatsaih ṭha thawkhat tawh hle tih a sawi. "Hmun hrang hrangah inbuatsaihna hi kalpui a ni a, State Task Force leh District Task Force-te pawhin ṭum eng emaw zat meeting an nei tawh a, frontline worker leh healthcare worker-te hming pawh ziahluh fel vek a ni tawh a ni," a ti. Covid vaccine thawh hmasa bera pek tur frontline leh healh worker ziahluh chu mi 19,000 dawn an nih thu a sawi a ni.