Ighalo-a'n Cavani awm pawi ti lo

Manchester United striker Odion Ighalo chuan Edinson Cavani awm belh chu pawi a ti lo a, team tana a ṭhat zawk tur thu a sawi.

Ole Gunnar Solskjaer hote hian nizan khan Champions League-ah Paris St-Germain an hmachhawn a, Paris-ah Ighalo hruai a nih laiin Uruguayan striker Cavani erawh match fitness a neih loh avangin hruai a ni lo.

Kum 33 mi Cavani bakah hian Harry Maguire leh Mason Greenwood te pawh an zin lo a, Portuguese mid-fielder Bruno Fernandes-a'n captain armband a hreng.

Manchester United hian October 24, Inrinni zanah Chelsea an mikhual dawn a, Uruguayan striker hi London club an hmachhawn hunah squad-ah a awm beisei a ni.